ಲೋಕಾಯುಕ್ತದ ಹೆಸರು ಹೇಳಿಕೊಂಡು ಲಂಚಕ್ಕೆ ಬೇಡಿಕೆ ಇಟ್ಟ ಆರೋಪದಡಿಯಲ್ಲಿ ಎಫ್ಐಆರ್ ದಾಖಲಾಗಿದೆ.
ಮಂಡ್ಯ ಜಿಲ್ಲೆಯ ಕೆ ಆರ್ ಪೇಟೆ ತಾಲೂಕಿನ ಸಹಾಯಕ ಕೃಷಿ ಅಧಿಕಾರಿ ಗೌರಮ್ಮ ಅವರು ಕೊಟ್ಟ ದೂರಿನಡಿಯಲ್ಲಿ ಕೆ ಆರ್ ಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಪ್ರಸಾದ್ ಎಂಬಾತನ ವಿರುದ್ಧ ಐಪಿಸಿ ಕಲಂ 420, 385, 511ರಡಿಯಲ್ಲಿ ಎಫ್ಐಆರ್ ದಾಖಲಾಗಿದೆ.
ಶುಕ್ರವಾರ ಅಂದರೆ ಆಗಸ್ಟ್ 7ರಂದು ಬೆಳಗ್ಗೆ 11 ಗಂಟೆಗೆ ಪಿ ಪ್ರಸಾದ್ ಎಂಬ ವ್ಯಕ್ತಿ 7975798293 ಮೊಬೈಲ್ ನಂಬರ್ನಿಂದ ಸಹಾಯಕ ಕೃಷಿ ಅಧಿಕಾರಿ ಅವರ ಸಂಖ್ಯೆಗೆ ಕರೆ ಮಾಡಿ ತಾವು ಸಚಿವರ ಕಚೇರಿಯಿಂದ ಕರೆ ಮಾಡುತ್ತಿರುವುದಾಗಿ ತಿಳಿಸಿ ಗೌರಮ್ಮ ಅವರ ವೈಯಕ್ತಿಕ ಮೊಬೈಲ್ ನಂಬರ್ನ್ನು ಪಡೆದುಕೊಂಡಿದ್ದರು.
ಇದಾದ ಬಳಿಕ ಅವತ್ತೇ ಸಂಜೆ 7 ಗಂಟೆ 24 ನಿಮಿಷಕ್ಕೆ ಅದೇ ನಂಬರ್ನಿಂದ ಗೌರಮ್ಮ ಅವರ ವೈಯಕ್ತಿಕ ನಂಬರ್ಗೆ ಕರೆ ಮಾಡಿ ತಾವು ಲೋಕಾಯುಕ್ತ ಕಚೇರಿಯಿಂದ ಕರೆ ಮಾಡುತ್ತಿರುವುದಾಗಿಯೂ, 12 ವರ್ಷಗಳಿಂದ ಲೋಕಾಯುಕ್ತದಲ್ಲಿ ಕಾರ್ಯನಿರ್ವಹಿಸುತ್ತಿರುವುದಾಗಿಯೂ ಹೇಳಿ 5 ಲಕ್ಷ ರೂಪಾಯಿ ಲಂಚ ನೀಡುವಂತೆ ಬೇಡಿಕೆ ಇಟ್ಟಿದ್ದರು.
ಇದಾದ ಬಳಿಕ ಆಗಸ್ಟ್ 9 ಮತ್ತು 10ರಂದು ನಿರಂತರವಾಗಿ ಅದೇ ನಂಬರ್ನಿಂದ ಕರೆ ಬಂದಿತ್ತು. ಶುಕ್ರವಾರದೊಳಗೆ ಅಂದರೆ ಆಗಸ್ಟ್ 11ರೊಳಗೆ ಒಂದೂವರೆ ಲಕ್ಷ ರೂಪಾಯಿ ನೀಡುವಂತೆ ನೇಹಾ ಎಂಎಸ್ ಎಂಬ ಮಹಿಳೆಯ ದೂರವಾಣಿ ಸಂಖ್ಯೆ 9380659775 ಫೋನ್ ಪೇ ನಂಬರ್ ಮತ್ತು ನೇಹಾ ಎಂಬಾಕೆಯ ಕರ್ನಾಟಕ ಬ್ಯಾಂಕ್ನ ಖಾತೆಯ ಸಂಖ್ಯೆಯನ್ನೂ ಕೊಟ್ಟು ಹಣ ಜಮೆ ಮಾಡುವಂತೆ ಬೆದರಿಸಿದ್ದರು
