ಕೆ ಎಲ್​ ರಾಹುಲ್​ ಪತ್ನಿ ಅತಿಯಾ ಶೆಟ್ಟಿ ಸಿಟ್ಟಾಗಿದ್ದು ಯಾಕೆ..?

ತಮ್ಮ ಮತ್ತು ಪತಿ ಕೆ ಎಲ್​ ರಾಹುಲ್ (K L Rahul)​ ಅವರ ವಿರುದ್ಧದ ಹಬ್ಬಿದ್ದ ಸುಳ್ಳು ಸುದ್ದಿಗೆ ನಟಿ ಅತಿಯಾ ಶೆಟ್ಟಿ (Athiya Shetty) ತಿರುಗೇಟು ನೀಡಿದ್ದಾರೆ. 

ಈ ಬಗ್ಗೆ ಅತಿಯಾ ಶೆಟ್ಟಿ ಅವರು ತಮ್ಮ ಇನ್​ಸ್ಟ್ರಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.

ನಾನು ಸಾಮಾನ್ಯವಾಗಿ ಸುಮ್ಮನಿರಲು ಮತ್ತು ಪ್ರತಿಕ್ರಿಯಿಸದೇ ಇರಲು ಬಯಸುತ್ತೇನೆ, ಆದರೆ ಕೆಲವೊಂದು ಸಲ ನಿಮ್ಮ ಪರವಾಗಿ ನೀವೇ ನಿಲ್ಲಬೇಕಾಗುತ್ತದೆ. ರಾಹುಲ್​, ನಾನು ಮತ್ತು ಸ್ನೇಹಿತರು ಯಾವಾಗಲೂ ಹೋಗುವ ಕಡೆ ಹೋಗಿದ್ವಿ, ಎಲ್ಲರೂ ಹೋಗುವಂತೆ. ಅದಕ್ಕೆ ಬೇರೆ ಅರ್ಥ ಕಲ್ಪಿಸುವುದನ್ನು ನಿಲ್ಲಿಸಿ ಮತ್ತು ವರದಿಗೂ ಮೊದಲು ಸತ್ಯಾಂಶ ತಿಳಿದುಕೊಳ್ಳಿ. ಶಾಂತಿ ಮತ್ತು ಪ್ರೀತಿ

ಎಂದು ಅತಿಯಾ ಶೆಟ್ಟಿ ಅವರು ಬರೆದುಕೊಂಡಿದ್ದಾರೆ.

ಗಾಯದ ಕಾರಣದಿಂದ ಐಪಿಎಲ್ (IPL)​ನಿಂದ ಹೊರಗುಳಿದಿರುವ ಕೆ ಎಲ್​ ರಾಹುಲ್​ನಲ್ಲಿ ಪತ್ನಿ ಅತಿಯಾ ಶೆಟ್ಟಿ ಲಂಡನ್​ನಲ್ಲಿ ಪ್ರವಾಸದಲ್ಲಿದ್ದಾರೆ. 

ಲಂಡನ್​ನಲ್ಲಿ (London) ಅತಿಯಾ ಶೆಟ್ಟಿ ಮತ್ತು ರಾಹುಲ್​ ಸ್ಟ್ರೀಪ್​ ಕ್ಲಬ್​ಗೆ ಹೋಗಿದ್ದರೆಂದು ವರದಿಯಾಗಿತ್ತು.

ಲಕ್ನೋ ತಂಡದ ನಾಯಕರಾಗಿದ್ದ ರಾಹುಲ್​ ಈ ಐಪಿಎಲ್​ ಸೀಸನ್​ನಲ್ಲಿ ಗಳಿಸಿದ್ದು ಕೇವಲ 271 ರನ್​ ಮಾತ್ರ. ರಾಹುಲ್​ ಅವರ ಬದಲಿಗೆ ಕೃಣಾಲ್​ ಪಾಂಡ್ಯ (Krunal Pandya) ಅವರಿಗೆ ಅವಕಾಶ ಕಲ್ಪಿಸಲಾಗಿತ್ತು.