ಗುಜರಾತ್​ಗೆ ಸಾಯಿ ಸುದರ್ಶನ್​ ಹರಾಜಾಗಿದ್ದು ಎಷ್ಟಕ್ಕೆ ಗೊತ್ತಾ..? ಅವತ್ತು ಧೋನಿ ಲೆಕ್ಕಾಚಾರ ತಪ್ಪಿತೇ..?

ಐಪಿಎಲ್​ ಫೈನಲ್​ ಪಂದ್ಯದಲ್ಲಿ ಬೆಂಕಿ ಬಿರುಗಾಳಿಯಂತೆ ಬ್ಯಾಟ್​ ಬೀಸಿ ಚೆನ್ನೈ ಸೂಪರ್​ ಕಿಂಗ್ಸ್​ ನಿದ್ದೆಗೆಡಿಸಿದ್ದ ಸಾಯಿ ಸುದರ್ಶನ್​ ಅವರನ್ನು ಗುಜರಾತ್​ ಟೈಟಾನ್ಸ್​ ಖರೀದಿಸಿದ್ದು ಎಷ್ಟು ಮೊತ್ತಕ್ಕೆ ಗೊತ್ತಾ..?

ಕೇವಲ 20 ಲಕ್ಷ ರೂಪಾಯಿಗೆ. ಅಂದಹಾಗೆ ಇದು ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ಸಾಯಿ ಸುದರ್ಶನ್​ಗೆ ಸಿಕ್ಕಿದ್ದ ಮೊತ್ತಕ್ಕಿಂತ 1 ಲಕ್ಷದ 60 ಸಾವಿರ ರೂಪಾಯಿಗಿಂತಲೂ ಕಡಿಮೆ.

ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ಚೆಪಕ್​ ಸೂಪರ್​ ಗಿಲ್ಲಿಸ್​ ತಂಡದ ಮಾಲೀಕರು ಸಾಯಿ ಅವರಿಗೆ 21.6 ಲಕ್ಷ ರೂಪಾಯಿ ಕೊಟ್ಟು ತಂಡಕ್ಕೆ ಆಯ್ಕೆ ಮಾಡಿದ್ದರು.

ಚೆನ್ನೈ ಸೂಪರ್​ ಕಿಂಗ್ಸ್​ ನಾಯಕ ಧೋನಿ ಅವರು ತಮ್ಮನ್ನು ಆಯ್ಕೆ ಮಾಡಿಕೊಳ್ತಾರೆ ಎಂಬ ನಿರೀಕ್ಷೆಯಲ್ಲಿದ್ದ ಸಾಯಿ ಅವರಿಗೆ ನಿರಾಸೆ ಆಗಿತ್ತು. ಕೊನೆಗೆ ಇವರು ಐಪಿಎಲ್​ ಹರಾಜಿನಲ್ಲಿ ಗುಜರಾತ್​ ಪಾಲಾದರು.

ಸಾಯಿ ಸುದರ್ಶನ್​ ಅವರು ಈ ಐಪಿಎಲ್​ನಲ್ಲಿ 362 ರನ್​ ಗಳಿಸಿದ್ದಾರೆ. ಇದರಲ್ಲಿ ಇವತ್ತು ಚೆನ್ನೈ ವಿರುದ್ಧವೇ ಗಳಿಸಿದ ಅತ್ಯಧಿಕ 96 ರನ್​, ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ಧದ 62 ರನ್​ ಮತ್ತು ಕೆಕೆಆರ್​ ವಿರುದ್ಧದ 53 ರನ್​ ಸೇರಿದೆ.