BJP: ಕರ್ನಾಟಕ ಮೋದಿಯವರ ಆರ್ಶೀವಾದ ಕಳೆದುಕೊಳ್ಳಲಿದೆ ಎಂಬ ಹೇಳಿಕೆ – ನಡ್ಡಾ ವಿರುದ್ಧದ FIR ರದ್ದು

ಒಂದು ವೇಳೆ ಬಿಜೆಪಿ ಸೋತರೆ ಕರ್ನಾಟಕ ಪ್ರಧಾನಿ ಮೋದಿಯವರ ಆರ್ಶೀವಾದ ಕಳೆದುಕೊಳ್ಳಲಿದೆ ಎಂಬ ಹೇಳಿಕೆ ವಿರುದ್ಧ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ ಪಿ ನಡ್ಡಾ ವಿರುದ್ಧ ದಾಖಲಾಗಿದ್ದ ಪ್ರಕರಣ ರದ್ದಾಗಿದೆ.

ನ್ಯಾಯಮೂರ್ತಿ ನಾಗಪ್ರಸನ್ನ ಅವರ ಕರ್ನಾಟಕ ಹೈಕೋರ್ಟ್​ನ ಏಕಸದಸ್ಯ ಪೀಠ ಎಫ್​ಐಆರ್​ ರದ್ದುಗೊಳಿಸಿದ್ದು, ತನಿಖೆಯಿಂದ ಏನೂ ಸಾಧಿತವಾಗುವುದಿಲ್ಲ ಎಂದು ಅಭಿಪ್ರಾಯಪಟ್ಟಿದೆ.

ಮೇ 7ರಂದು ವಿಜಯನಗರ ಜಿಲ್ಲೆಯ ಹರಪ್ಪನಹಳ್ಳಿಯಲ್ಲಿ ಚುನಾವಣಾ ಭಾಷಣದಲ್ಲಿ ಆಡಿದ್ದ ಮಾತು ಟೀಕೆಗೆ ಒಳಗಾಗಿತ್ತು.

ಕರ್ನಾಟಕದಲ್ಲಿ ಒಂದು ವೇಳೆ ಬಿಜೆಪಿ ಸೋತರೆ ರಾಜ್ಯವು ಮೋದಿಯವರ ಆರ್ಶೀವಾದ ಕಳೆದುಕೊಳ್ಳಲಿದೆ ಎಂದು ಹೇಳಿದ್ದ ಜಗತ್​ಪ್ರಕಾಶ್​ ನಡ್ಡಾ ಅವರು, ಕಾಂಗ್ರೆಸ್​ ಅಧಿಕಾರಕ್ಕೆ ಬಂದರೆ ಕೇಂದ್ರ ಸರ್ಕಾರ ನೀಡುತ್ತಿರುವ ಕಿಸಾನ್​ ಸಮ್ಮಾನ್​ ನಿಧಿ ಯೋಜನೆಯೂ ನಿಲ್ಲಲಿದೆ ಎಂದು ಆರೋಪಿಸಿದ್ದರು.

ಇದು ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಎಂದು ಆರೋಪಿಸಿ ಚುನಾವಣಾಧಿಕಾರಿಗಳು ನಡ್ಡಾ ವಿರುದ್ಧ ಎಫ್​ಐಆರ್​ ದಾಖಲಿಸಿದ್ದರು.

ಎಫ್​ಐಆರ್​ ರದ್ದುಕೋರಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರು ಹೈಕೋರ್ಟ್​​ಗೆ ಅರ್ಜಿ ಸಲ್ಲಿಸಿದ್ದರು.