ಹಾಸನ: ಹೆಚ್​ ಪಿ ಸ್ವರೂಪ್​ ಶಕ್ತಿ ಪ್ರದರ್ಶನದಲ್ಲಿ ಮಾಜಿ ಸಿಎಂ ಹೆಚ್​ಡಿಕೆ ಭಾಗಿ ಸಾಧ್ಯತೆ

ಮಾಜಿ ಮುಖ್ಯಮಂತ್ರಿ ಹೆಚ್​ ಡಿ ಕುಮಾರಸ್ವಾಮಿ (H D Kumarswamy) ಅವರು ಇವತ್ತು ಹಾಸನ ನಗರಕ್ಕೆ (Hassan) ಭೇಟಿ ನೀಡಲಿದ್ದು, ದಿವಂಗತ ಮಾಜಿ ಶಾಸಕ ಹೆಚ್​ ಎಸ್​ ಪ್ರಕಾಶ್ (H S Prakash)​​ ಅವರ ಜನ್ಮದಿನದ ಆಚರಣೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.
ಕೆಲವು ದಿನಗಳ ಹಿಂದೆಯಷ್ಟೇ ಮಾಜಿ ಸಚಿವ ಹೆಚ್​ ಡಿ ರೇವಣ್ಣ ( H D Revanna) ಅವರ ಎದುರೇ ಹೆಚ್​ ಪಿ ಸ್ವರೂಪ್​ ( H P Swaroop) ಅವರ ಬೆಂಬಲಿಗರು ಗಲಾಟೆ ಮಾಡಿದ್ದರು. ಗಲಾಟೆ ಮಾಡಿದ್ದವರನ್ನು ರೇವಣ್ಣ ಅವರು ರೌಡಿಗಳೆಂದು ಕರೆದಿದ್ದರು.
ಈ ಗಲಾಟೆಯ ಬಳಿಕ ಹಾಸನ ಟಿಕೆಟ್​ ಆಕಾಂಕ್ಷಿ ಆಗಿರುವ ಸ್ವರೂಪ್​ ಅವರು ತಮ್ಮ ತಂದೆಯ ಜನ್ಮದಿನದ ಆಚರಣೆಯ ನೆಪದಲ್ಲಿ ಶಕ್ತಿಪ್ರದರ್ಶನಕ್ಕೆ ಮುಂದಾಗಿದ್ದಾರೆ.
ಹಾಸನ (Hassan) ನಗರದ ರಿಂಗ್​ ರಸ್ತೆಯಲ್ಲಿ ಆಯೋಜನೆ ಆಗಿರುವ ಅದ್ಧೂರಿ ಕಾರ್ಯಕ್ರಮದಲ್ಲಿ ಜೆಡಿಎಸ್​ ರಾಜ್ಯಾಧ್ಯಕ್ಷ ಸಿ ಎಂ ಇಬ್ರಾಹಿಂ ಕೂಡಾ ಪಾಲ್ಗೊಳ್ಳಲಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಮಾಜಿ ಸಿಎಂ ಕುಮಾರಸ್ವಾಮಿ ಪಾಲ್ಗೊಂಡರೆ ಆಗ ಹಾಸನ ನಗರ ಕ್ಷೇತ್ರದಲ್ಲಿ ತನ್ನ ಪರವಾದ ಸಂದೇಶ ರವಾನೆ ಆಗಲಿದೆ ಎನ್ನುವುದು ಹೆಚ್​ ಪಿ ಸ್ವರೂಪ್​ ಅವರ ಲೆಕ್ಕಾಚಾರ.
ಈ ಕಾರ್ಯಕ್ರಮಕ್ಕೆ ಮಾಜಿ ಸಚಿವ ಹೆಚ್​ ಡಿ ರೇವಣ್ಣ, ಸಂಸದ ಪ್ರಜ್ವಲ್​ ರೇವಣ್ಣ, ಭವಾನಿ ರೇವಣ್ಣ ಗೈರಾಗುವ ಸಾಧ್ಯತೆ ಇದೆ.

LEAVE A REPLY

Please enter your comment!
Please enter your name here