ಅಭಿಮಾನಿಗಳ ಒತ್ತಾಯ : ನಟ ಡಾ.ಪುನೀತ್ ರಾಜ್​ಕುಮಾರ್ ಖಾತೆಗೆ ಮರಳಿದ ಬ್ಲೂ ಟಿಕ್

ನಟ ಡಾ.ಪುನೀತ್ ರಾಜ್‌ಕುಮಾರ್ ಅಭಿಮಾನಿಗಳ ಮನದಲ್ಲಿ ಎಂದೆಂದಿಗೂ ಜೀವಂತ. ಅವರ ಸಿನಿಮಾಗಳ ಮೂಲಕ ಜತೆಗೆ ಅವರು ಮಾಡಿರುವ ಸಾಮಾಜಿಕ ಕಾರ್ಯಗಳ ಮೂಲಕ ಎಂದು ಅಭಿಮಾನಿಗಳ ಮನದಲ್ಲಿ ಶಾಶ್ವತವಾಗಿ ನೆಲೆಸಿದ್ದಾರೆ ಎಂಬುದಕ್ಕೆ ಈ ಸನ್ನಿವೇಶವೇ ಸಾಕ್ಷಿ.

ಕೆಲ ದಿನಗಳ ಹಿಂದೆ ಟ್ವಿಟರ್ ಸಂಸ್ಥೆ ಡಾ.ಪುನೀತ್ ರಾಜ್‌ಕುಮಾರ್ ಖಾತೆಯಿಂದ ಬ್ಲೂ ಟಿಕ್ (ಪರಿಶೀಲಿಸಿದ) ತೆಗೆದು ಹಾಕಿತ್ತು. ಈ ಬಗ್ಗೆ ಅಭಿಮಾನಿಗಳು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು. ಬಾಲಿವುಡ್ ನಟ ಸುಶಅಂತ್ ಸಿಂಗ್ ಮರಣವನ್ನಪ್ಪಿ ಹಲವು ದಿನಗಳಾದಾಗ್ಯೂ, ಅವರ ಖಾತೆಯಿಂದ ಬ್ಲೂ ಟಿಕ್ ತೆಗೆದಿರಲಿಲ್ಲ. ಇದರಿಂದ ಕೆರಳಿದ್ದ ಅಭಿಮಾನಿಗಳು ಟ್ವಿಟರ್​​ ಸಂಸ್ಥೆಗೆ ಮರಳಿ ಬ್ಲೂ ಟಿಕ್ ನೀಡುವಂತೆ ಆಗ್ರಹಿಸಿದ್ದರು. ಇದೀಗ, ಅಭಿಮಾನಿಗಳ ಒತ್ತಾಸೆಗೆ ಮಣಿದಿರುವ ಟ್ವಿಟರ್​ ಸಂಸ್ಥೆ ಪುನೀತ್ ರಾಜ್​ಕುಮಾರ್ ಖಾತೆಗೆ ಮರಳಿ ಬ್ಲೂ ಟಿಕ್  ಕೊಡಲಾಗಿದೆ.

ಟ್ವಿಟರ್ ಖಾತೆಯನ್ನು ಟ್ವಿಟರ್ ಸೂಚನೆಗಳ ಆಧಾರದ ಮೇಲೆ ಪರಿಶೀಲನೆ ಮಾಡಿಕೊಳ್ಳಬೇಕು. ಪರಿಶೀಲನೆ ( ವೈರಿಫೈಡ್) ಆದ ಖಾತೆಗಳಿಗೆ ಟ್ವಿಟರ್ ಸಂಸ್ಥೆ ಬ್ಲೂ ಟಿಕ್ ನೀಡುತ್ತದೆ. ‘ ಹಾಗೆಯೇ ದೀರ್ಘ ಕಾಲದವೆರೆಗೆ ಆ ಖಾತೆ ಆಕ್ಟೀವ್ ಇಲ್ಲದೇ ಇದ್ದರೆ ಬ್ಲೂ ಟಿಕ್ ಅನ್ನು ತೆಗೆದು ಹಾಕಲಾಗುತ್ತದೆ. ಅದೇ ರೀತಿ ಪುನೀತ್ ರಾಜ್‌ಕುಮಾರ್ ಖಾತೆಯ ವಿಚಾರದಲ್ಲಿ ಆಗಿತ್ತು.

ಡಾ.ಪುನೀತ್ ರಾಜ್​ಕುಮಾರ್ ಅವರ ಖಾತೆಗೆ ಬ್ಲೂ ಟಿಕ್ ಮರಳಿ ಬಂದ ಬಗ್ಗೆ ನಿರ್ದೇಶಕ ಸಂತೋಷ್ ನಂದ್ ರಾಮ್ ಟ್ವೀಟ್ ಮಾಡಿ ಮಾಹಿತಿ ನೀಡಿದ್ದಾರೆ. ಇದು ಅಪ್ಪು ಅಭಿಮಾನಿಗಳ ಶಕ್ತಿಯಘಾಇದೆ. ಟ್ವಿಟರ್ ಸಂಸ್ಥೆಗೆ ಧನ್ಯವಾದಗಳು ಎಂದಿದ್ದಾರೆ.

Thank you ❤️@verified @Twitter @TwitterIndia for the Verification @PuneethRajkumar Appu Anna is alive in People Heart & this is one of the example😍 Thank you Powerfull Fans of The Powerfull Man💪💪💪 love u Puneethians🤗🤗🤗 This is a Good note to start the week 🙌🙌 pic.twitter.com/OdMCPBGiKE

— Santhosh Ananddram (@SanthoshAnand15) July 18, 2022