BREAKING: ನಟಿ ಸುಷ್ಮಿತಾ ಸೇನ್​ ಮದುವೆ ಅಲ್ಲ, ಡೇಟಿಂಗ್​ ಎಂದ ಐಪಿಎಲ್​ ಮಾಜಿ ಮುಖ್ಯಸ್ಥ ಲಲಿತ್ ಮೋದಿ

ಐಪಿಎಲ್​ ಮಾಜಿ ಮುಖ್ಯಸ್ಥ ಮತ್ತು ಉದ್ಯಮಿ ಲಲಿತ್​ ಮೋದಿ ಅವರು ಬಾಲಿವುಡ್​ ನಟಿ ಸುಷ್ಮಿತಾ ಸೇನ್​ ಜೊತೆಗೆ ಮದುವೆ ಆಗಿದ್ದಾರೆ ಎಂಬ ವರದಿ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.

ನಾವಿಬ್ಬರು ಮದುವೆ ಆಗಿಲ್ಲ, ಡೇಟಿಂಗ್​ನಲ್ಲಷ್ಟೇ ಇದ್ದೇವೆ ಎಂದು ಲಲಿತ್​ ಮೋದಿ ಸ್ಪಷ್ಟನೆ ಕೊಟ್ಟಿದ್ದಾರೆ.

ಸದ್ಯ ಲಲಿತ್​ ಮೋದಿ ಲಂಡನ್​ನಲ್ಲಿ ನೆಲೆಸಿದ್ದಾರೆ. ಹಣಕಾಸು ಹಗರಣಗಳು ಬಯಲಾದ ಬಳಿಕ ಅವರು 2010ರಲ್ಲಿ ಭಾರತದಿಂದ ಲಂಡನ್​ಗೆ ತೆರಳಿ ಅಲ್ಲಿ ನೆಲೆಸಿದ್ದಾರೆ.

ಮಾರಿಷಸ್​ ಒಳಗೊಂಡಂತೆ ವರ್ಲ್ಡ್​ ಟೂರ್​ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಬರೆದುಕೊಂಡಿರುವ ಲಲಿತ್​ ಮೋದಿ, ತಮ್ಮ ಅರ್ಧಾಂಗಿ ಎಂದು ಸುಷ್ಮಿತಾ ಸೇನ್​ ಅವರನ್ನು ಉಲ್ಲೇಖ ಮಾಡಿ ಹೊಸ ಆರಂಭದ ಶುರುವಾಗಿದೆ ಎಂದು ಬರೆದುಕೊಂಡಿದ್ದಾರೆ.

46 ವರ್ಷದ ಸುಷ್ಮಿತಾ ಸೇನ್​ ಮದುವೆಯಾಗಿಲ್ಲ. ಇಬ್ಬರು ಮಕ್ಕಳನ್ನು ಈಕೆ ದತ್ತು ಪಡೆದಿದ್ದಾರೆ. 2018ರಿಂದ 2021ರವರೆಗೆ ಸೇನ್ ಅವರು ರೋಹ್ಮನ್​ ಶಾಲ್​ ಎಂಬವರ ಜೊತೆಗೆ ಸಂಬಂಧದಲ್ಲಿದ್ದರು.