ಮಾಜಿ ಸಿಎಂ ಪ್ರಯಾಣಿಸ್ತಿದ್ದ ಕಾರು ಬೈಕ್​ಗೆ ಡಿಕ್ಕಿ

ಕಾಂಗ್ರೆಸ್​ ನಾಯಕ, ಮಧ್ಯಪ್ರದೇಶ ಮಾಜಿ ಮುಖ್ಯಮಂತ್ರಿ ದಿಗ್ವಿಜಯ್​ ಸಿಂಗ್​ ಅವರು ಪ್ರಯಾಣಿಸ್ತಿದ್ದ ಕಾರು ಬೈಕ್​ ಸವಾರನಿಗೆ ಡಿಕ್ಕಿ ಹೊಡೆದಿದೆ.

ಮಧ್ಯಪ್ರದೇಶದ ರಾಜ್​ಘರ್​ನಲ್ಲಿ ಅಪಘಾತ ಸಂಭವಿಸಿದೆ. ಅಪಘಾತದ ದೃಶ್ಯ ಸಿಸಿಟಿವಿಯಲ್ಲಿ ದಾಖಲಾಗಿದೆ.

ದಿಗ್ವಿಜಯ್​ ಸಿಂಗ್​ ಪ್ರಯಾಣಿಸ್ತಿದ್ದ ಕಾರಿನ ಮುಂದೆ ಪೊಲೀಸರ ಎಸ್ಕಾರ್ಟ್​ ಜೀಪ್​ ಸಾಗಿತ್ತು. ಈ ವೇಳೆ ಬೈಕ್​ ಸವಾರ ಡಿವೈಡರ್​ ಪಕ್ಕದಲ್ಲಿ ನಿಲ್ಲಿಸಿಕೊಂಡಿದ್ದರು.

ಪೊಲೀಸ್​ ಜೀಪ್​ ಹೋದ ಬಳಿಕ ಒಬ್ಬ ಬೈಕ್​ ಸವಾರ ಇದ್ದಕಿದ್ದಂತೆ ತನ್ನ ಬೈಕ್​ನ್ನು ತಿರುಗಿಸಿದ. ಆ ವೇಳೆ ಬರುತ್ತಿದ್ದ ದಿಗ್ವಿಜಯ್​​ ಸಿಂಗ್​ ಕಾರು ಡಿಕ್ಕಿ ಹೊಡೆದಿದೆ.

ಡಿಕ್ಕಿ ಹೊಡೆದ ರಭಸಕ್ಕೆ ಬೈಕ್​ ಸವಾರ ಪಕ್ಕದಲ್ಲಿದ್ದ ಕಂಬಕ್ಕೆ ಹೋಗಿ ಬಡಿದಿದ್ದಾನೆ. ತಕ್ಷಣವೇ ಕಾರಿನಿಂದ ಇಳಿದ ದಿಗ್ವಿಜಯ್​ ಸಿಂಗ್ ಮತ್ತು ಇತರರು ಆತನನ್ನು ಆಸ್ಪತ್ರೆಗೆ ರವಾನಿಸಿದ್ದಾರೆ.

ಸಿಸಿಟಿವಿ ಪ್ರಕಾರ ಬೈಕ್​ ಸವಾರನದ್ದೇ ತಪ್ಪು ಎನ್ನುವುದು ದೃಢವಾಗಿದೆ