BREAKING: ಸುಶೀಲ್​ ಮಂತ್ರಿ, ಮಂತ್ರಿ ಮಗನೂ ಅರೆಸ್ಟ್​​

Arrest
Arrest
ವಂಚನೆ ಪ್ರಕರಣ ಸಂಬಂಧ ಅಪರಾಧ ತನಿಖಾ ದಳ (CID) ಮಂತ್ರಿ ಡೆವೆಲಪರ್ಸ್​ ಮಾಲೀಕ ಸುಶೀಲ್​ ಪಿ ಮಂತ್ರಿ (Susheel P Mantri) ಮತ್ತು ಆತನ ಮಗ ಪ್ರತೀಕ್​ ಮಂತ್ರಿ (Pratik Mantri)ಯನ್ನು ಬಂಧಿಸಿದೆ.
ಇವರಿಬ್ಬರ ವಿರುದ್ಧವೂ ಬೆಂಗಳೂರಿನ (Bengaluru) ಕಬ್ಬನ್​ ಪಾರ್ಕ್ (Cubbon Park)​ ಪೊಲೀಸ್​ ಠಾಣೆಯಲ್ಲಿ 2019ರಲ್ಲಿ ಎರಡು ವಂಚನೆ ಪ್ರಕರಣ (Cheating Case) ದಾಖಲಾಗಿತ್ತು.
ಸುಶೀಲ್​ ಮಂತ್ರಿ ಬೆಂಗಳೂರಿನ ಪ್ರತಿಷ್ಠಿತ ಕಟ್ಟಡ ನಿರ್ಮಾಣ ಕಂಪನಿ ಮಂತ್ರಿ ಡೆವೆಲಪರ್ಸ್​​ನ (Mantri Developers) ಮಾಲೀಕರಾಗಿದ್ದಾರೆ.
ಗ್ರಾಹಕರಿಂದ ಹಣ ಸಂಗ್ರಹಿಸಿದ್ದ ಮಂತ್ರಿ ಡೆವೆಲಪರ್ಸ್​ ಆ ಬಳಿಕ ಪ್ಲ್ಯಾಟ್​​ಗಳನ್ನು ನೀಡದೇ ವಂಚನೆ ಮಾಡಿದ್ದರ ಸಂಬಂಧ ಕಬ್ಬನ್​ ಪಾರ್ಕ್​ ಠಾಣೆಗೆ ಗ್ರಾಹಕರು ದೂರು ನೀಡಿದ್ದರು.
ಕೆಲ ತಿಂಗಳ ಹಿಂದೆಯಷ್ಟೇ ಸುಶೀಲ್​ ಮಂತ್ರಿಯನ್ನು ಜಾರಿ ನಿರ್ದೇಶನಾಲಯ (ED) ಅಕ್ರಮ ಹಣ ವರ್ಗಾವಣೆ (Money Laundering) ಪ್ರಕರಣದಲ್ಲಿ ಬಂಧಿಸಿತ್ತು. ಅಲ್ಲದೇ ಮಂತ್ರಿ ಡೆವಲಪರ್ಸ್​​ಗೆ ಸೇರಿದ 300 ಕೋಟಿ ರೂಪಾಯಿ ಆಸ್ತಿಗಳನ್ನು ಜಪ್ತಿ ಮಾಡಿಕೊಂಡಿತ್ತು.
ಶುಕ್ರವಾರ ಸುಶೀಲ್​ ಮಂತ್ರಿಯನ್ನು ಬಂಧಿಸಿರುವ ಸಿಐಡಿ ಶನಿವಾರ ನ್ಯಾಯಾಧೀಶರ ಮುಂದೆ ಹಾಜರುಪಡಿಸಿತ್ತು. ಸೆಪ್ಟೆಂಬರ್​ 12ರವರೆಗೆ ಅಪ್ಪ-ಮಗ ಇಬ್ಬರನ್ನೂ ನ್ಯಾಯಾಂಗ ಬಂಧನಕ್ಕೆ (Judicial Custody) ಒಪ್ಪಿಸಲಾಗಿದೆ.
ಸೋಮವಾರ ಇಬ್ಬರನ್ನೂ ಹೆಚ್ಚಿನ ವಿಚಾರಣೆಗಾಗಿ ತಮ್ಮ ಕಸ್ಟಡಿಗೆ ನೀಡುವಂತೆ ಸಿಐಡಿ ಕೋರ್ಟ್​ಗೆ ಕೋರುವ ಸಾಧ್ಯತೆ ಇದೆ.

LEAVE A REPLY

Please enter your comment!
Please enter your name here