ಬೆಂಗಳೂರಲ್ಲಿ ವಿದೇಶಿ ಯೂಟ್ಯೂಬರ್​ ಮೇಲೆ ಹಲ್ಲೆ – ನವಾಬ್​ ಎಂಬಾತನ ಮೇಲೆ ಎಫ್​ಐಆರ್​

ಬೆಂಗಳೂರಿನ ಚಿಕ್ಕಪೇಟೆ ಸಂಡೇ ಬಜಾರ್​ನಲ್ಲಿ ವೀಡಿಯೋ ರೆಕಾರ್ಡಿಂಗ್​ ಮಾಡ್ತಿದ್ದ ಡಚ್​ ಮೂಲದ ಯೂಟ್ಯೂಬರ್​ ಮೇಲೆ ಹಲ್ಲೆ ಮಾಡಿದ ಪ್ರಕರಣದಡಿ ನವಾಬ್​ ಹಯಾತ್​ ಶರೀಫ್​ ಎಂಬಾತನ ಮೇಲೆ ಪ್ರಕರಣ ದಾಖಲಾಗಿದೆ.

ಚಿಕ್ಕಪೇಟೆಯ ಬೀದಿಯಲ್ಲಿ ವೀಡಿಯೋ ರೆಕಾರ್ಡಿಂಗ್​ ಮಾಡ್ತಿದ್ದ ಡಚ್​ ದೇಶದ ಪೆಡ್ರೋ ಮೋಟಾ ಅವರನ್ನು ಅಡ್ಡಹಾಕಿ ಮೇಲೆ ನವಾಬ್​ ಹಲ್ಲೆಗೆ ಯತ್ನಿಸಿದ್ದ. ಜೊತೆಗೆ ಕ್ಯಾಮರಾ ಕಿತ್ತುಕೊಳ್ಳಲು ಯತ್ನಿಸಿದ್ದ.

ಈತನ ಮೇಲೆ ಕರ್ನಾಟಕ ಪೊಲೀಸ್​ ಕಾಯ್ದೆಯ ಕಲಂ 92ರ (ಬೀದಿ ಗಲಾಟೆ ಮತ್ತು ರಂಪಾಟಕ್ಕೆ ಸಂಬಂಧಿಸಿದಂತೆ) ಅಡಿಯಲ್ಲಿ ಎಫ್​ಐಆರ್​ ದಾಖಲಾಗಿದೆ. 

ನವಾಬ್​ಗಾಗಿ ಬೆಂಗಳೂರು ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ. ವಿದೇಶಿ ಪ್ರವಾಸಿಗರ ಜೊತೆಗೆ ಈ ರೀತಿ ವರ್ತಿಸಿದರೆ ನಿರ್ದಾಕ್ಷಿಣ್ಯ ಕ್ರಮಕೈಗೊಳ್ಳುವುದಾಗಿ ಪೊಲೀಸರು ಹೇಳಿದ್ದಾರೆ.

ಇದು ಹಳೆಯ ವೀಡಿಯೋ:

ಇದು ಹಳೆಯ ವೀಡಿಯೋ, ಈಗ ಮುನ್ನೆಲೆಗೆ ಬಂದಿದೆ ಎಂದು ಬೆಂಗಳೂರು ಪೊಲೀಸ್​ ಆಯುಕ್ತ ಬಿ ದಯಾನಂದ ಅವರು ಹೇಳಿದ್ದಾರೆ.  ಕಿರುಕುಳ ಕೊಟ್ಟ ವ್ಯಕ್ತಿಯನ್ನು ಗುರುತಿಸಲಾಗಿದೆ ಮತ್ತು ಕ್ರಮ ಜರುಗಿಸಲಾಗಿದೆ.

ನಮ್ಮ ಬೆಂಗಳೂರಲ್ಲಿ ಯಾರ ವಿರುದ್ಧವೂ ಇಂತಹ ದೌರ್ಜನ್ಯಕ್ಕೆ ಅವಕಾಶ ಇಲ್ಲ ಎಂದು ಆಯುಕ್ತರು ಹೇಳಿದ್ದಾರೆ.

It's a old video which has come into circulation now. The person harassing in the video has been identified traced and action taken. No scope for such highhandedness in Naamma Bengaluru against anybody. https://t.co/gx4dYPZUwe

— CP Bengaluru ಪೊಲೀಸ್ ಆಯುಕ್ತ ಬೆಂಗಳೂರು (@CPBlr) June 12, 2023