ಕರ್ನಾಟಕ ಬಳಿಕ ಛತ್ತೀಸ್​ಗಢದಲ್ಲೂ ಕಾಂಗ್ರೆಸ್​​ಗೆ ಪ್ರಚಂಡ ಜಯದ ನಿರೀಕ್ಷೆ

ಈ ವರ್ಷದ ಅಂತ್ಯದಲ್ಲಿ ಛತ್ತೀಸ್​ಗಢದಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಯಲ್ಲಿ ಮತ್ತೊಮ್ಮೆ ಎರಡನೇ ಬಾರಿಗೆ ಕಾಂಗ್ರೆಸ್​ ಅಧಿಕಾರಕ್ಕೆ ಬರಲಿದೆ ಎಂದು ಸಮೀಕ್ಷೆ ಹೇಳಿದೆ.

ಸೌತ್​ಫಸ್ಟ್​ ವೆಬ್​ಸೈಟ್​ ನಡೆಸಿರುವ ಪೀಪಲ್ಸ್​ ಪಲ್ಸ (ಜನರ ನಾಡಿಮಿಡಿತ) ಸಮೀಕ್ಷೆಯಲ್ಲಿ ಕಾಂಗ್ರೆಸ್​ಗೆ ಎರಡನೇ ಬಾರಿಯೂ ಪ್ರಚಂಡ ಬಹುಮತದ ಅಂದಾಜು ಮಾಡಲಾಗಿದೆ.

ಜೂನ್​ ತಿಂಗಳಲ್ಲಿ 1 ತಿಂಗಳು ನಡೆಸಿದ ಸಮೀಕ್ಷೆಯ ಅಂಕಿಅಂಶವನ್ನು ಸೌತ್​ಫಸ್ಟ್​ ಪ್ರಕಟಿಸಿದೆ.

ಈ ಸಮೀಕ್ಷೆಯ ಪ್ರಕಾರ 90 ವಿಧಾನಸಭಾ ಬಲಾಬಲದ ಛತ್ತೀಸ್​ಗಢದಲ್ಲಿ ಕಾಂಗ್ರೆಸ್​ ಬರೋಬ್ಬರೀ 53 ರಿಂದ 60 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಅಂದಾಜಿಸಲಾಗಿದೆ.

ಬಿಜೆಪಿ ಕಾಂಗ್ರೆಸ್​ನಿಂದ ಬಹುದೂರ ಇರಲಿದ್ದು ಕೇವಲ 20ರಿಂದ 27 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಅಂದಾಜಿಸಲಾಗಿದೆ. 

ಛತ್ತೀಸ್​ಗಢದಲ್ಲಿ ಸರ್ಕಾರ ರಚನೆಗೆ 46 ಶಾಸಕರ ಬೆಂಬಲ ಅಗತ್ಯ.

ಸಮೀಕ್ಷೆಯ ಪ್ರಕಾರ ಕಾಂಗ್ರೆಸ್​ ಶೇಕಡಾ 46ರಷ್ಟು ಮತಗಳನ್ನು ಪಡೆದರೆ, ಬಿಜೆಪಿ ಶೇಕಡಾ 38ರಷ್ಟು ಮತಗಳನ್ನು ಪಡೆಯಲಿದೆ. 

ಮುಖ್ಯಮಂತ್ರಿ ಭೂಪೇಂದ್ರ ಬಘೇಲ್​ ಅವರ ಜನಪ್ರಿಯತೆ, ಛತ್ತೀಸ್​ಗಢದ ಅಸ್ಮಿಯತೆ ಅಸ್ತ್ರ, ಪಶುಪಾಲಕರಿಂದ ನೇರವಾಗಿ ಸರ್ಕಾರವೇ ಸಗಣಿ ಖರೀದಿ ಮಾಡುತ್ತಿರುವ ಯೋಜನೆಗಳೆಲ್ಲವೂ ಕಾಂಗ್ರೆಸ್​ಗೆ ವರದಾನವಾಗಿದೆ.