ದೆಹಲಿಯಲ್ಲಿ Rapido ಬೈಕ್​ ಟ್ಯಾಕ್ಸಿಗೆ ಸುಪ್ರೀಂಕೋರ್ಟ್​ ನಿರ್ಬಂಧ

ದೆಹಲಿಯಲ್ಲಿ ರಾಪಿಡೊ ಬೈಕ್​ ಟ್ಯಾಕ್ಸಿಗಳಿಗೆ ಸುಪ್ರೀಂಕೋರ್ಟ್​ ತಡೆಯಾಜ್ಞೆ ನೀಡಿದೆ. ಈ ಮೂಲಕ ರಾಪಿಡೊ ತನ್ನ ಗ್ರಾಹಕರಿಗೆ ಬೈಕ್​ ಸೇವೆಯನ್ನು ನೀಡುವಂತಿಲ್ಲ.

ಬೈಕ್​ ಟ್ಯಾಕ್ಸಿ ಬಳಕೆ ಸಂಬಂಧ ದೆಹಲಿ ಸರ್ಕಾರ ಮಾರ್ಗಸೂಚಿಯ ಅಧಿಸೂಚನೆ ಪ್ರಕಟಿಸುವವರೆಗೆ ನಿರ್ಬಂಧ ಹೇರಿ ಸುಪ್ರೀಂಕೋರ್ಟ್​ ನ್ಯಾಯಮೂರ್ತಿಗಳಾದ ಅನಿರುದ್ಧ್​​ ಬೋಸ್​ ಮತ್ತು ರಾಜೇಶ್​ ಬಿಂದಾಲ್​ ಅವರ ಪೀಠ ಆದೇಶ ಹೊರಡಿಸಿದೆ.

ರಾಪಿಡೊ ಬೈಕ್​ ಟ್ಯಾಕ್ಸಿಗೆ ಅನುಮತಿ ನೀಡಿದ್ದ ದೆಹಲಿ ಹೈಕೋರ್ಟ್​ನ ಆದೇಶಕ್ಕೆ ತಡೆಯಾಜ್ಞೆ ನೀಡಿದೆ. ದೆಹಲಿ ಹೈಕೋರ್ಟ್​ ಆದೇಶವನ್ನು ಪ್ರಶ್ನಿಸಿ ಉಬರ್​ ಮತ್ತು ಓಲಾ ಸುಪ್ರೀಂಕೋರ್ಟ್​ಗೆ ಮೇಲ್ಮನವಿ ಸಲ್ಲಿಸಿದ್ದವು.

ಬೈಕ್​ ಟ್ಯಾಕ್ಸಿ ಸೇವೆ ಸಂಬಂಧ ದೆಹಲಿ ಸರ್ಕಾರ ಮಾರ್ಗಸೂಚಿ ಸಿದ್ಧಪಡಿಸುವ ಪ್ರಕ್ರಿಯೆಲ್ಲಿರುವಾಗ ಅದರ ಅಧಿಸೂಚನೆ ಹೈಕೋರ್ಟ್​ ತಡೆ ನೀಡುರುವುದು ಸರಿಯಲ್ಲ ಎಂದು ಸುಪ್ರೀಂಕೋರ್ಟ್​ ತನ್ನ ಅಭಿಪ್ರಾಯದಲ್ಲಿ ಹೇಳಿದೆ.