ಬಿಗ್​ಬಾಸ್​ ಶೋನಲ್ಲಿ ವಕೀಲ್​ ಸಾಬ್​ ಲಾಯರ್​ ಜಗದೀಶ್​​..?

ಬಿಗ್​ಬಾಸ್​ ಸೀಸನ್​ 9ಗೆ ದಿನಗಣನೆ ಶುರು ಆಗಿದೆ. ಈ ಬಾರಿ ದೊಡ್ಮನೆಗೆ ಹೋಗುವವರು ಯಾರು ಎಂಬ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ದೊಡ್ಡ ಚರ್ಚೆ ಶುರು ಆಗಿದೆ.

ಬಿಗ್​ಬಾಸ್​​ನಲ್ಲಿ ಕಂಟೆಸ್ಟೆಂಟ್​ ಆಗಬಹುದು ಎನ್ನಲಾಗಿರುವ ಸೋಷಿಯಲ್​ ಮೀಡಿಯಾದಲ್ಲಿ ಹವಾ ಎಬ್ಬಿಸಿರುವ ಕೆಲವರ ಲಿಸ್ಟ್​ ಫೈನಲ್​ ಆಗಿದೆ ಎನ್ನಲಾಗ್ತಿದೆ.

ಲಾಯರ್​ ಜಗದೀಶ್​:

ವಕೀಲ್​ ಸಾಬ್​ ಎಂದೇ ಅಭಿಮಾನಿಗಳಿಂದ ಪ್ರೀತಿಯಿಂದ ಕರೆಸಿಕೊಳ್ಳುವ ಲಾಯರ್​ ಜಗದೀಶ್​​ ಬಿಗ್​ಬಾಸ್​ ಶೋದಲ್ಲಿ ಸ್ಪರ್ಧಿ ಆಗಬಹುದು ಎನ್ನಲಾಗ್ತಿದೆ.

ಮಾಜಿ ಸಚಿವ ರಮೇಶ್​ ಜಾರಕಿಹೊಳಿ ಸಿಡಿ ಕೇಸ್​​ ಮೂಲಕ ಜನರಿಗೆ ಚಿರಪರಿಚಿತರಾದ ಇವರು ಐಪಿಎಸ್​ ಅಧಿಕಾರಿಯೊಬ್ಬರ ವಿರುದ್ಧವೂ ಹೋರಾಟದ ಮೂಲಕ ಸೋಷಿಯಲ್​ ಮೀಡಿಯಾದಲ್ಲಿ ಸೆನ್ಸೇಷನ್​ ಕ್ರಿಯೆಟ್​ ಮಾಡಿದ್ದರು.

ಸಂಖ್ಯಾಶಾಸ್ತ್ರಜ್ಱ ಆರ್ಯವರ್ಧನ್​:

ನಾನಂದ್ರೆ ನಂಬರ್​, ನಂಬದ್ರೆ ನಾನು ಎನ್ನುವ ಡೈಲಾಗ್​ ಹೊಡೆಯುವ ಆರ್ಯವರ್ಧನ್​ ಕೂಡಾ ಈ ಬಾರಿ ಬಿಗ್​​ಬಾಸ್​ ಶೋಗೆ ಹೋಗಲಿದ್ದಾರಂತೆ. ಐಪಿಎಲ್​ ಟೈಂನಲ್ಲಿ ಇವರು ಪ್ರತಿದಿನ ಹೇಳ್ತಿದ್ದ ಟೀಂ ಭವಿಷ್ಯ ಸೋಷಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್​ ಆಗಿತ್ತು.

ಶಿವಪುತ್ರ ಯಶಾರಧ:

ವಿಜಯಪುರ ಮೂಲದ ಇವರು ತಮ್ಮ ಕಾಮಿಡಿ ಶೋ ಮೂಲಕ ಸಾಕಷ್ಟು ಫೇಮಸ್​ ಆಗಿದ್ದಾರೆ. ಇವರ ಒಂದೊಂದು ಕಾಮಿಡಿ ಶೋ ಕೂಡಾ 10 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಕಾಣುತ್ತೆ. ಕೋವಿಡ್​ ಸಂದರ್ಭದಲ್ಲಿ ಅರಳಿದ ಅಪರೂಪದ ಪ್ರತಿಭೆಯಲ್ಲಿ ಇವರು ಕೂಡಾ ಒಬ್ಬರು.

ಮಲ್ಲು ಜಮಖಂಡಿ:

ಇವರು ಕೂಡಾ ತಮ್ಮದೇ ಕಾಮಿಡಿ ವೀಡಿಯೋಗಳ ಮೂಲಕ ಮನೆಮಾತಾದವರು. ಉತ್ತರ ಕರ್ನಾಟಕದಲ್ಲಿ ಸಾಕಷ್ಟು ಸದ್ದು ಮಾಡ್ತಿರುವ ಯೂಟ್ಯೂಬ್​ ಆರ್ಟಿಸ್ಟ್​ಗಳಲ್ಲಿ ಇವರು ಕೂಡಾ ಒಬ್ಬರು.