Bengaluru: ಎದುರಾಳಿ ಕಂಪನಿಯ ಸಿಬ್ಬಂದಿಗೆ ಗಾಳ, ಕಡಿಮೆ ಬೆಲೆಗೆ ಇಂಟರ್​ನೆಟ್​ – MD, CEO ಕೊಲೆಗೈದ ಮೂವರು ಅರೆಸ್ಟ್​

ಫೈಬರ್​ನೆಟ್​ ಉದ್ಯಮದಲ್ಲಿ ದ್ವೇಷದಿಂದಾಗಿ ಬೆಂಗಳೂರಲ್ಲಿ ನಡೆದಿದ್ದ ಖಾಸಗಿ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಫಣೀಂದ್ರ ಸುಬ್ರಹ್ಮಣ್ಯ ಮತ್ತು ಸಿಇಒ ವಿನು ಕುಮಾರ್​ ಹತ್ಯೆ ಸಂಬಂಧ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.

ಬಂಧಿತರನ್ನು ಶಬರೀಶ್​ ಅಲಿಯಾಸ್​ ಫ್ಲೆಕ್ಸ್​ ಸಂತೋಷ್​ ಮತ್ತು ವಿನಯ್​ ರೆಡ್ಡಿ ಎಂದು ಗುರುತಿಸಲಾಗಿದೆ.

ಬೆಂಗಳೂರಿನ ಹೆಬ್ಬಾಳ-ಕೆಂಪಾಪುರದಲ್ಲಿ ಏರಾನಿಕ್ಸ್​ ಮೀಡಿಯಾ ಪ್ರೈವೇಟ್​ ಲಿಮಿಟೆಡ್​ನನ್ನು ಫಣೀಂದ್ರ ಮತ್ತು ವಿನು ಕುಮಾರ್​ ನವೆಂಬರ್​ 2022ರಲ್ಲಿ ಸ್ಥಾಪನೆ ಮಾಡಿದ್ದರು.

ಇವರು ತಮ್ಮ ಕಂಪನಿಗೆ ಜಿನೆಟ್​ ಎಂಬ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ 20 ಮಂದಿ ಇಂಜಿನಿಯರ್​ ಮತ್ತು ಇತರೆ ಸಿಬ್ಬಂದಿಯನ್ನೇ ನೇಮಕ ಮಾಡಿಕೊಂಡಿದ್ದರು.

ಅಲ್ಲದೇ ಕೇವಲ 299 ರೂಪಾಯಿ 100mbps ವೇಗದ ಬ್ರಾಂಡ್​ಬ್ಯಾಂಡ್​ ಇಂಟರ್​ನೆಟ್​ ಸೌಲಭ್ಯ ನೀಡುತ್ತಿದ್ದರು.

ಒಂದು ಕಡೆ ತಮ್ಮದೇ ಕಂಪನಿಯ ಸಿಬ್ಬಂದಿಯನ್ನು ಸೆಳೆದಿದ್ದು ಮತ್ತು ತಮಗಿಂತ ಅತ್ಯಂತ ಕಡಿಮೆ ಬೆಲೆಯಲ್ಲಿ ಇಂಟರ್​ನೆಟ್​ ನೀಡುತ್ತಿದ್ದ ಕಾರಣ ತಮ್ಮ ಉದ್ಯಮಕ್ಕೆ ಹಿನ್ನಡೆ ಆಗಿದೆ ಎಂದು ಕುಪಿತಗೊಂಡು ಫಣೀಂದ್ರ ಮತ್ತು ವಿನು ಕುಮಾರ್​ ಕೊಲೆ ಮಾಡಲಾಗಿದೆ.

ಬಂಧಿತ ಫ್ಲೆಕ್ಸ್​ ಅಲಿಯಾಸ್​ ಶಬರೀಶ್​ ಈ ಹಿಂದೆ ಜಿನೆಟ್​ನಲ್ಲಿ ಕೆಲಸ ಮಾಡುತ್ತಿದ್ದ.