ಅಜ್ಜಿಬೆಟ್ಟು ಬಸದಿಯ ಹೊಸ ಸಭಾಭವನ ಉದ್ಘಾಟನೆ

ಬಂಟ್ವಾಳ ತಾಲೂಕಿನ ಅಜ್ಜಿಬೆಟ್ಟುವಿನಲ್ಲಿರುವ ಆದಿನಾಥ ತೀರ್ಥಂಕರು ಮತ್ತು ಪದ್ಮಾವತಿ ಅಮ್ಮನವರ ಬಸದಿಯ ಆವರಣದಲ್ಲಿ ನಿರ್ಮಿಸಲಾಗಿರುವ ಹೊಸ ಸಭಾಭವನದ ಉದ್ಘಾಟನೆ ನಾಳೆ ಅಂದರೆ ಜುಲೈ 14ರಂದು ಗುರುವಾರ ನೆರೆವೇರಲಿದೆ.

ಕಾರ್ಕಳ ಜೈನ ಮಠದ ಭಟ್ಟಾರಕ ಧ್ಯಾನಯೋಗಿ ಲಲಿತಕೀರ್ತಿ ಸ್ವಾಮೀಜಿ, ಮೂಡಬಿದ್ರೆ ಮಠದ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಮತ್ತು ಹೊಂಬುಜ ಮಠದ ಡಾ ದೇವೇಂದ್ರ ಕೀರ್ತಿ ಭಟ್ಟಾರಕ ಸ್ವಾಮೀಜಿ ದಿವ್ಯ ಸಾನಿಧ್ಯವಹಿಸಲಿದ್ದಾರೆ.

ಧರ್ಮಸ್ಥಳದ ಧರ್ಮಾಧಿಕಾರಿ ಡಾ ಡಿ ವೀರೇಂದ್ರ ಹೆಗ್ಗಡೆಯವರು ಸಭಾಭವನದ ಉದ್ಘಾಟನೆ ಮಾಡಲಿದ್ದಾರೆ.

ಬಿಜೆಪಿ ರಾಜ್ಯಾಧ್ಯಕ್ಷ ಮತ್ತು ಮಂಗಳೂರು ಸಂಸದ ನಳಿನ್​ ಕುಮಾರ್​ ಕಟೀಲ್​, ಬಂಟ್ವಾಳ ಶಾಸಕ ರಾಜೇಶ್​ ನಾಯ್ಕ್​, ಮಾಜಿ ಸಚಿವ ರಮಾನಾಥ್​ ರೈ, ಮಾಜಿ ಸಚಿವ ಅಭಯ್​ಚಂದ್ರ ಜೈನ್​ ಮತ್ತು ಚೆನ್ನೈತ್ತೋಡಿ ಗ್ರಾಮ ಪಂಚಾಯತ್​ ಅಧ್ಯಕ್ಷೆ ಭಾರತಿ ರಾಜೇಂದ್ರ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.