ನಟ, ನಿರೂಪಕ ಆನಂದ್​​ಗೆ ವಂಚನೆ – ಎಫ್​ಐಆರ್​ ದಾಖಲು

ಭೂ ಖರೀದಿಯಲ್ಲಿ ರಿಯಲ್​ ಎಸ್ಟೇಟ್​ ಕಂಪನಿ ತಮಗೆ ವಂಚಿಸಿದೆ ಎಂದು ಆರೋಪಿಸಿ ನಟ ಮತ್ತು ಕನ್ನಡದಲ್ಲಿ ಜನಪ್ರಿಯು ಶೋಗಳನ್ನು ನಡೆಸಿಕೊಡುವ ನಿರೂಪಕ ಆನಂದ್​ ಹೆಚ್​ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಆನಂದ್​ ಅವರು ಕೊಟ್ಟ ದೂರು ಆಧರಿಸಿ ಬೆಂಗಳೂರಿನ ಚಂದ್ರಲೇಔಟ್​ ಪೊಲೀಸ್​ ಠಾಣೆಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

ಮಲ್ಟಿ ಲೀಪ್​ ವೆಂಚರ್ಸ್​​ ಪ್ರೈವೇಟ್​ ಲಿಮಿಟೆಡ್​ ಕಂಪನಿ ಮಾಲೀಕ ಸುಧೀರ್​ ಎಸ್​ ಮತ್ತು ಅವರ ಸಹಾಯಕಿ ಮಣಿಕಾ ಕೆ ಎಂ ಅವರ ವಿರುದ್ಧ ಎಫ್​ಐಆರ್​ ದಾಖಲಾಗಿದೆ.

ಕೆಂಗೇರಿಯ ಕೊಮ್ಮಘಟ್ಟದಲ್ಲಿ ನಿವೇಶನ ಖರೀದಿಗಾಗಿ 18.5 ಲಕ್ಷ ರೂಪಾಯಿಯನ್ನುಆನಂದ್​ ಅವರು ನೀಡಿ ಒಪ್ಪಂದವನ್ನೂ ಮಾಡಿಕೊಂಡಿದ್ದರು. 70 ಲಕ್ಷ ರೂಪಾಯಿಗೆ ನಿಗದಿಯಾಗಿದ್ದ ನಿವೇಶನದ ಉಳಿದ ಮೊತ್ತಕ್ಕಾಗಿ ಸಾಲದ ವ್ಯವಸ್ಥೆ ಮಾಡಿಸುವುದಾಗಿ ರಿಯಲ್​ ಎಸ್ಟೇಟ್​​ ಕಂಪನಿಯವರು ಹೇಳಿದ್ದರು.

ಆದರೆ ನಿವೇಶನ ಖರೀದಿಗೆ ಸಾಲದ ವ್ಯವಸ್ಥೆ ಮಾಡಿಲ್ಲ ಮತ್ತು ಆ ನಿವೇಶನವನ್ನು ಬೇರೆಯವರಿಗೆ ಮಾರಲಾಗಿದೆ ಎಂದು ನಟ ಆನಂದ್​ ಅವರು ದೂರಿನಲ್ಲಿ ಆರೋಪಿಸಿದ್ದಾರೆ.